Nakauwi nang ligtas sa Pilipinas ang siyam na overseas Filipino workers matapos silang masagip mula sa human trafficking sa Myanmar.
Ayon sa Department of Migrant Workers, dumating ang mga OFW sa NAIA Terminal 3 sa Pasay City kagabi sakay ng Thai Airways.
Binigyan ng paunang tulong pinansyal at serbisyong pangkalinga ang siyam na balikbayan mula sa DMW at Overseas Workers Welfare Administration.
Patuloy namang nakikipag-ugnayan ang pamahalaan sa Thailand at Myanmar upang tugisin ang mga sindikato ng human trafficking.—sa panulat ni Jordan Gutierrez
