Hindi matitinag ang pamahalaan na isulong ang isang moderno at episyenteng sektor ng transportasyon para sa mga Pilipino.
Ito ang binigyang diin ng Malacañang kasunod ng isinagawang kilos protesta ng transport group na Pinagkaisang Samahan ng Transport Operators Nationwide o PISTON kontra sa transport modernization plan ng gobyerno.
Ayon kay Presidential Spokesman Ernesto Abella, ilang taon na ang nakalipas mula nang isulong ang PUVMP o ang Public Utility Vehicle Modernization Program pero lagi itong naaantala dahil sa pagkontra ng naturang grupo.
Magpapatuloy pa rin aniya ang serye ng konsultasyon at pakikipag-usap ng Land Transportation Franchising and Regulatory Board o LTFRB sa iba’t ibang grupo upang ganap nang maisakatuparan ang malaking pagbabago sa sektor ng transportasyon sa bansa.
Ulat ni Jopel Pelenio
