Apat na preso ang patay habang nasa 30 iba pa ang sugatan sa pagsiklab ng riot sa Caloocan City Jail, kahapon.
Kinilala ang mga nasawing sina Arturo Biasa, Hans Omar, na kapwa miyembro ng Commando Gang, Sherwin Perez at John Patrick Chicko na mga miyembro naman ng Sputnik Gang.
Ayon kay Bureau of Jail Management and Penology Spokesman, Jail Supt. Xavier Solda, dakong alas-4 ng hapon nang sumiklab ang kaguluhan.
Agad anyang nagpadala ng Special Tactics and Response Team ang Northern Police District na malapit lamang sa City Jail.
Batay sa imbestigasyon, nagsimula ang mainit na pagtatalo sa kalagitanaan ng paglalaro ng Cara y Cruz ng mga bilanggo.
Ipinag-utos naman ni BJMP Chief, Jail Director Allan Iral ang pagsasagawa ng imbestigasyon habang mananatili sa ilalim ng heightened alert status ang Caloocan City Jail.
