Nag-alok na ng P50K pesos na pabuya para sa makapagtuturo sa helper na umano’y tumangay sa pera at alahas ni Transportation Assistant Secretary Goddess Libiran.
Ang naturang halaga ay mula sa Southmaids Agency, na nagpasok sa suspek na si Marilou Fernandez bilang kasambahay ni Libiran.
Ayon sa Southmaids Agency, nakikipag-ugnayan na sila sa mga otoridad, kabilang ang NBI maging sa transportation official hinggil sa insidente.
Nakikipag-pulong na rin ang Southmaids sa Association of Licensed Private Employment Agencies of the Philippines upang maglatag ng aksyon laban kay Fernandez.
Tiniyak naman ng nasabing Manning Agency na hindi nila kukunsintehin ang ganitong krimen.
