Naaktuhang natutulog habang naka-duty ang apat na mga pulis sa Bacoor Cavite sa isinagawang surprise inspection ni Cavite Provincial Police Director Senior Supt. William Segun.
Kinilala ang mga nahuling natutulog na pulis na sina PO3 Joseph Sahurda, PO3 Kimmy Reyes, PO1 Alzadar Alawi at PO1 Ryan Garcia na may katabi pang babae na hindi nito asawa.
Bukod naman sa sermon, pinag-push up ang apat na nahuling natutulog na pulis, inalis sa kanilang puwesto at posible ring kasuhan.
Samantala, pinagpapaliwanag naman ni Calabarzon Police Regional Director Chief Superintendent Edward Carranza ang nasabing apat na pulis at inatasan na rin si Segun na magsagawa ng imbestigasyon laban sa mga ito.
—-
