Walang kawala ang apat na magkakaibigan sa kamay ng Operating unit ng PDEA Special Enforcement Service at Paranaque Police sa isinagawa nitong drug buy-bust operation sa Quirino Ave. Brgy. San Dionisio, Paranaque City.
Ikinasa ng otoridad ang naturang operasyon nitong Miyerkules ng hapon, Pebrero 3, kung saan nakumpiska sa 4 na magkakaibigan ang 500 gramo ng hinihinalang shabu na may halagang P3.4 milyon, cellphone at pera.
Ayon kay PDEA Team Alpha ,Team Lider Agent Jeffrey Baguidudol, tumagal ng halos isang linggo ang surveillance at transaksyon nila sa grupo bago mahulog sa bitag ng otoridad ang mga magkakaibigan.
Batay sa ulat ng PDEA, kinilala ang mga suspek na sina Jc Andre Beltran, 21, Fahad Sakip Malik, 18 Liza Ocampo, 18 at John Robert Vicente, 19 na kapwa nahaharap sa paglabag sa Section 5 in relation to Section 26 article 2 RA9165.—sa panulat ni Agustina Nolasco
