Apat na pinaniniwalaaang kilabot na holdaper ang patay makaraang makipagbarilan sa mga awtoridad sa lalawigan ng Bulacan ngayong Lunes.
Kinilala ang dalawa sa mga nasawi na sina Aldrin Data at Roberto Paragas na kapwa residente ng Barangay Bagong Barrio sa Caloocan City.
Tinangka umanong sitahin ng mga pulis sa isang checkpoint ang dalawa sa Barangay Sta. Rosa 1 sa bayan ng Marilao ngunit sa halip na huminto ay nagpaputok ang mga ito kaya nauwi sa engkuwentro.
Samantala, dalawa rin ang napatay sa Barangay Igulot sa Bocaue, Bulacan na nang-holdap din umano sa negosyanteng kinilalang si Robejon Fiestas.
Narekober sa dalawa ang isang kalibre 22 at tatlong kalibre 48 revolver gayundin ang apat na sachet ng shabu, dalawang motorsiklo na walang plaka at iba pang kagamitan.
Kasalukuyan pang inaalam ng mga awtoridad ang pagkakakilanlan ng dalawang napatay na suspek habang nagpapatuloy naman ang isinasagawang imbestigasyon.
