Aabot sa 33 pamilya ang nawalan ng tirahan kamakailan matapos sumiklab ang sunog sa bahagi ng tulay Latte, Constantino Extension, Brgy. Poblacion 2, Marilao, Bulacan.
Ayon sa mga tauhan ng Bulacan Provincial Disaster Risk Reduction and Management Office, patuloy pang iniimbestigahan ng mga otoridad kung saan nagsimula ang sunog at kung sino ang nasa likod ng insidente.
Nabatid na 27 kabahayan ang naabo habang bahagya namang naapektuhan ng sunog ang iba pang mga bahay.
Wala namang naitalang nasawi, nasaktan o nasugatan matapos ang sunog habang inaalam narin ng mga otoridad ang kabuuang danyos.
