Tiniyak ng Department of Trade And Industry (DTI) na handa nilang suportahan ang mga manggagawang naapektuhan ng pandemya na nais magbukas ng negosyo.
Ito’y sa ilalim ng inilunsad ng DTI na Accept, Adapt and Act Best Boot Camp Program (3A).
Layon nitong matulungan ang displaced workers at returning Overseas Filipino Workers na magsimula ng panibagong mapagkakakitaan.
Ayon kay Trade Secretary Ramon Lopez, inaasahan nilang makapagbibigay ito ng lakas ng loob at positibong pagiisip sa mga nawalan ng trabaho dahil sa pandemya.
Umabot na sa 86,000 ang nagparehistrong online businesses ngayong buwan na higit na mas mataas kumpara sa 1,600 nuong 2019.
