Umaasa si Senate Deputy Minority Floorleader Bam Aquino na susuportahan ni Pangulong Rodrigo Duterte ang kanilang panawagan na suspendihin ang pagtaas ng presyo ng bilihin at serbisyo na dulot ng TRAIN Law.
Ayon kay Aquino, makabubuting isantabi ang pulitika sa panukalang suspensyon ng probisyon sa TRAIN Law na nagdudulot ng pagtaas sa presyo ng mga bilihin para sa kapakanan ng mga pangkaraniwang mamamayan.
Una ng inihayag ni Pangulong Duterte na ipa-uubaya na niya sa Kongreso ang pagpapasya kung ano ang dapat gawin sa TRAIN Law.
Samantala, muling iginiit ni Senator JV Ejercito ang kanyang panukala na ibaba ang excise tax sa langis sa halip na dagdagan ang buwis sa sigarilyo lalo’t ramdam na ang inflationary effect ng mataas na excise tax sa produktong petrolyo.
