Patay ang 31 indibidwal matapos magliyab ang isang bus sa Central Mali, West Africa.
Sa imbestigasyon ng mga otoridad, hinihinalang mga militanteng grupo ang responsable sa pagpatay sa mga biktima kung saan, pinasabog ang isang bus na naghahatid ng mga pasahero sa lokal na pamilihan sa lugar.
Nabatid na ilang beses inatake ng mga armadong kalalakihan ang naturang bus na bumibiyahe sa rutang Songho Village patungong Bandiagara Market.
Patuloy pang iniimbestigahan ng mga otoridad ang naganap na insidente. —sa panulat ni Angelica Doctolero
