Itinanggi ng dalawang barangay tanod na sangkot umano sa pamamaril sa Barangay Addition Hills, mandaluyong city na mayroon silang mga baril nang maganap ang insidente, noong Huwebes ng gabi, Disyembre a-bente otso.
Nilinaw nina Wilmer Doron at Ernesto Fajardo na baton lamang ang kanilang hawak habang tinutugis ang Mitsubishi Adventure na inakala nilang getaway vehicle ng mga salarin sa pagpatay kay Jonalyn Ambaon.
Iginiit ng dalawa na ang kanilang mga kasamahan na tumakas matapos ang insidente ang namaril sa mga biktima.
Lulan ang mga barangay tanod ng kanilang barangay patrol vehicle habang tinutugis ang puting Adventure na kalauna’y napag-alamang magdadala sana kay ambaon na biktima ng naunang pamamaril.
Aminado sina Doron at Fajardo na pawang maling impormasyon ang kanilang natanggap mula sa ilang residente.
