Inihahanda na ng Department of Health (DOH) ang isang malaking quarantine area para sa mga uuwing Pilipino na mula sa Wuhan, China.
Ayon kay Health Secretary Francisco Duque III, sa quarantine area ididiretso ang mga Pilipino pag-uwi nila sa bansa.
Pag-uusapan anya ang detalye ng repatriation sa pulong nila kay Pangulong Rodrigo Duterte.
Pinaghahandaan natin, ang DFA ang siyang nangunguna sa pagpapabalik at kinikilala natin ‘yung quarantine facility para doon sila mamalagi sa loob ng 14 araw bilang quarantine,” ani Duque. —sa panayam ng Balitang Todong Lakas
