Dalawa ang sugatan kabilang ang isang bumbero sa pagsiklab ng sunog sa isang establisyimento sa Tondo, Maynila.
Batay sa ulat nagsimula ang sunog sa isang commerical-residential building sa bahagi ng Hermosa St.
Kabilang sa mga nadamay sa sunog ang isang hardware, panaderya, patahian at ilang residential units.
Bahagyang naging pahirapan ang pag-apula sa sunog dahil sa mga combustible materials na nasa loob ng nadamay na hardware.
Umakyat pa ito sa ikalawang alarma bago tuluyang naapula.
Tinataya namang umaabot sa P200,000 ang halaga ng naabo sa sunog.
Samantala, sumiklab din ang sunog sa isang residential area sa Pandacan, Maynila pasado 9:55 a.m. ngayong Sabado, Disyembre 29.
Umabot naman ito sa ika-limang alarma.
