Kinumpirma mismo ni Atty. Michael Poa na nasa The Hague, Netherlands si Vice President Sara Duterte sa gitna ng kaniyang impeachment trial.
Sa naganap na press briefing, sinabi ni Poa na nai-update na niya ang pangalawang pangulo hinggil sa ruling ng Senate Impeachment Court na aprubahan ang pagpapalabas ng mga subpoena para sa kaniyang tax at bank records.
Ipinaalam din aniya kay Duterte na nakapaghain na ang depensa ng kahilingan para sa certified true copy ng nasabing ruling.
Gayunman, hindi pa anila napag-uusapan nang lubusan kung dudulog ba sila sa Korte Suprema o tatanggapin na lamang ang pasya, dahil hinihintay pa nila ang opisyal na kopya ng ruling.
Binigyang-diin din ni Poa na nakabatay ang kanilang paninindigan sa prinsipyo ng presumption of innocence.
