Patay ang dalawa katao habang sugatan ang tatlong iba pa matapos na sumalpok sa likurang bahagi ng 14-wheeler truck ang isang passenger van sa southbound lane ng Lawang Bato, North Luzon Expressway.
Base sa inisyal na ulat, naganap ang insidente dakong 5:00 ng umaga kanina.
Agad na isinugod ng mga rumespondeng rescuer ang limang pasahero ng van sa Valenzuela General Hospital ngunit sa kasawiang palad, idineklara ang dalawa sa mga ito na dead on arrival.
Nasa kustodiya na ngayon ng mga otoridad ang driver ng truck at patuloy na isinasailalim sa imbestigasyon.
