Ililipat na sa Pasay City Jail ang dalawang opisyal ng Pharmally Pharmaceutical Corporation matapos mabigong magsumite ng mga dokumentong ipina-subpoena ng Senate Blue Ribbon Committee.
Ayon kay Committee Chairman at Senator Richard Gordon, dadalhin sa naturang piitan sina Pharmally Executives Mohit Dargani at Linconn Ong para sa safekeeping.
Una nang inihayag ni Dargani na nais niyang kunin sa kanyang tanggapan o sa isang warehouse ang mga kahon na naglalaman ng financial documents ng kumpanya upang mabigyang-linaw na ang nagpapatuloy na imbestigasyon.
Gayunman, nagtapos na ang kanilang office lease, indikasyon na maaaring wala na ang mga kahon.
Samantala, mananatili naman sa senado sa Pasay City si Pharmally President Twinkle Dargani. —sa panulat ni Drew Nacino
