Timbog ang dalawang negosyante matapos mahulihan ng mahigit 373,000 pesos na halaga ng umano’y smuggled cigarettes sa magkahiwalay na operasyon sa Zamboanga del Sur.
Kinilala ni Area Police Command-Western Mindanao operations chief Col. Richard Verceles ang mga suspek na sina Aian Dumat-ol at Gambai Saidali.
Unang naaresto si Saidali sa Barangay Mati sa bayan ng San Miguel kung saan nasabat mula rito ang mahigit sampung libong pisong halaga ng yosi at isang motorsiklo.
Si Dumat-ol naman ay nasakote sa Barangay Upper Laperian sa bayan ng Ramon Magsaysay nang mahulihan ito ng 363,000 pesos na halaga ng hinihinalang smuggled cigarettes.
