Sugatan at patuloy na nagpapagaling sa ospital ang 12 pasahero matapos bumangga sa isang concrete barrier ang sinasakyang truck sa Brgy. San Roque, Catanauan, Quezon Province.
Ayon sa mga otoridad, kabilang sa mga sugatan ang truck driver na nawalan umano ng kontrol makaraang magka-problema sa preno ng makina ang minamanehong elf truck dahilan para mahulog ito sa isang open line canal.
Nagsasagawa na ng operasyon sa lugar ang mga otoridad para alisin ang dalawa pang motorsiklo na nahulog din sa kanal matapos mabangga ng nabanggit na truck.
Sa ngayon, iniimbestigahan pa ng mga otoridad ang dahilan ng insidente.
