Pasok na sa listahan ng mga tatakbo sa 2016 elections ang 100 partylist organizations.
Ito ay mula sa 244 na partylist groups na naghain ng kanilang “manifestations of intent to participate” sa tanggapan ng COMELEC para sa nalalapit na halalan.
Ayon kay COMELEC Chairman Andres Bautista, mula sa naturang bilang na inaprubahan ng first at second division ng poll body, 78 rito ay existing partylist group na sumali sa mga nakalipas na eleksyon.
Habang ang 22 aniya ay mga bagong organisasyon.
Agad namang nilinaw ni Bautista na hindi ibig sabihin nito ay ibinasura na nila ang aplikasyon ng iba pang partylist groups.
Batay sa record ng COMELEC, mula sa 244 partylist groups, 213 lamang ang nagsumite ng certificate of nomination and acceptance.
By Meann Tanbio
