Tutol ang Film Development Council of the Philippines o FDCP sa panukala ni Senador Tito Sotto na magkaroon ng hiwalay na festival para sa indie films.
Ayon kay Mae Paner ng nasabing grupo, maarami ng mga film festival sa bansa kaya’t hindi kailangan ang panukalang indie film festival.
Giit pa ni Paner, paglabag sa prinsipyo ng equal opportunity kung ipagbabawal ang indie films sa MMFF o Metro Manila Film Festival sa December.
Samantala, sinabi naman ng kanilang chairperson na si Liza Dino Seguerra, premature ang panukalang hiwalay na indie films festival.
Para kay Seguerra, makabubuting magkaroon ng festival na bukas at patas para sa lahat ng pelikula basta’t de kalidad at commercially viable.
Sen. Poe: Ayusin na lamang ang criteria ng selection committee ng MMF
Naniniwala si Senate Committee on Public Information Chairperson Grace Poe na hindi na kailangan ang hiwalay na festival para sa indie films.
Sa halip, iminungkahi ni Poe na ayusin na lamang ang criteria ng selection committee ng Metro Manila Film Festival at ibalik ang panuntunan tungkol sa commercial viability ng isasaling pelikula.
By: Avee Devierte / Cely Bueno
