Nailigtas ng Philippine Coast Guard (PCG) ang sampu katao matapos lumubog ang sinasakyang bangka ng mga ito.
Sa karagatang sakop ng Barangay San Vicente sa Olango Island patungong Mainland Mactan.
Ayon sa Coast Guard Central Visayas, hinampas ng malalaking alon ang MB Joseph Express dahilan para tumaob ito.
Aniya, naglayag ang mga pasahero sa kabila ng umiiral na suspensyon sa mga ba-byahe sa dagat dahil kailangan na anilang pumasok sa trabaho.
Pasado, alas 4:00 ng madaling araw nang umalis sila sa Brgy. San Vicente at pagdating sa pagitan ng Olango at Mactan Islands ay binayo na sila ng malalakas na alon.