Naniniwala si Chief Inspector Jovie Espenido, hepe ng Ozamiz City Police na uunlad ang lungsod gaya ng Cebu City matapos ang pagbagsak ng pamilya Parojinog.
Ito ang inihayag ni Espenido matapos dumalo sa Preliminary Investigation ng Department of Justice sa murder at serious illegal detention cases na isinampa laban sa kanya at tatlong iba pang pulis kaugnay sa operasyon laban sa mga miyembro ng Martilyo Gang, noong Hunyo.
Aminado si Espenido na isang malaking tagumpay para sa mga mamamayan ng Ozamiz ang pagkakabuwag sa mga iligal na aktibidad ng mga Parojinog.
Dahil dito, nabigyang katarungan na aniya ang mga naging biktima ng pamilya Parojinog na sa tulong ng Panginoon.
By Drew Nacino
