Boracay ang nangungunang destinasyon sa bansa na nais puntahan ng mga Pilipino sakaling umubra na ang leisure travel.
Ayon ito sa Department of Tourism (DOT) batay na rin sa Philippine travel survey: insights on Filipino travel behavior post COVID-19.
Ikinatuwa naman ni Aklan Governor Florencio Miraflores ang nasabing report kasabay ang pagtiyak sa kahandaan ng isla na tumanggap ng mga turista kapag inalis na ang restrictions dahil sa COVID-19 pandemic.
Handang handa na aniya ang Boracay na muling i-explore matapos ang gradual opening nito sa mga turista mula sa Western Visayas nitong nakalipas na June 16.
