Nagbabala ang PHIVOLCS sa posibilidad ng isang explosive eruption ng Bulkang Mayon matapos maitala ang pinakamataas na sulfur dioxide emissions sa nakalipas na 26 na taon.
Ayon sa PHIVOLCS, umabot sa average na 13,128 metric tons kada araw ang ibinugang volcanic gas ng nasabing bulkan, na halos kapantay ng naitalang antas bago ang pagsabog ng bulkan noong 2000.
Sa ngayon, nananatili sa Alert Level 3 ang Bulkang Mayon.
Kasabay ng pagtaas ng SO2 emissions, naitala rin ang siyamnapu’t pitong low-frequency volcanic earthquakes, tuloy-tuloy na degassing, at minor strombolian activity sa summit crater.
Sa ngayon, mahigpit na pinaaalalahanan ng PHIVOLCS ang publiko na manatiling alerto at sundin ang mga ipinatutupad na abiso at restriksyon sa paligid ng Mayon.| Sa panulat ni Reabelle Medina
