Pinaigting ng Bureau of Customs ang kanilang kampanya kontra smuggling katuwang ang National Bureau of Investigation, matapos makasamsam ng limampu’t siyam na container ng mga ilegal na sigarilyong nagkakahalaga ng mahigit tatlong bilyong piso.
Pinangunahan nina NBI Director Melvin Matibag at BOC Commissioner Ariel Nepomuceno ang inspeksyon sa dalawampu’t limang container ng sigarilyo na nagkakahalaga ng siyam na raan walumpung milyon sa Gothong Wharf sa Mandaue City.
Samantala, ayon sa NBI, nasa ilalim na ng kustodiya ng pamahalaan ang iba pang nasamsam na container.
Binigyang-diin ng dalawang ahensya na paiigtingin nila ang pagbabahagi ng intelligence information, operasyon, at pagsasampa ng kaso laban sa mga indibidwal at negosyong sangkot sa illegal na kalakalan. | Sa panulat ni Reabelle Medina
