Kalaboso ang isang lalaki habang nasa malubhang kondisyon naman ang isa pang suspek matapos ikasa ang buy-bust operation sa Cavite.
Kinilala ang mga suspek na sina Elvin Esguerra, 40 anyos, at Marvin Tagayon Linaban, 44 anyos; kapwa residente ng naturang lugar.
Batay sa ulat, nanlaban ang isa sa mga suspek nang makatunog na pulis ang buyer ng kaniyang ibinebentang droga.
Narekober sa mga suspek ang isang calibre 45 pistol, dalawang magazine, walong bala ng calibre .45, 3-plastic sachet ng shabu na may timbang na mahigit sa 10 gramo na aabot sa halagang 69,000, isang cal. 9mm pistol, anim na bala ng cal. 9mm, 2 cal. 9mm empty cartridge case at buy-bust money.
Sa ngayon, nahaharap ang mga suspek sa patong-patong na kaso. —sa panulat ni Kim Gomez
