Kinumpirma ng Department of Foreign Affairs na nagtamo lamang ng minor injury ang Isang Filipino Casualty sa nangyaring pagpapasabog sa Pudong International Airport sa Shanghai, China.
Ayon kay DFA Spokesman Assistant Secretary Charles Jose, ito ay base sa nakuha nilang impormasyon mula sa consulate sa Shanghai.
Ipinabatid ni Jose na nagtamo ang ‘di pinangalanang Pinoy ng injury sa paa matapos matabunan ng debris dahil sa nangyaring pagsabog.
Kabilang ang naturang Pinoy sa 5 nasugatan makaraang maghagis ng improvised explosive device ang salarin sa ticketing area ng Shanghai Airport, Linggo ng hapon.
By: Meann Tanbio
