Wala pang katiyakan na mananalo sa darating na eleksyon si Davao City Mayor Rodrigo Duterte.
Ito ang binigyang diin ngayon ng Pulse Asia sa kabila ng patuloy na pangunguna ni Duterte sa pinakahuling presidential survey ng Pulse Asia kung saan ay nakakuha ang alkalde ng 33 percent na rating.
Dalawang porsyento itong kalamangan sa pumapangalawang sina Senadora Grace Poe at LP standard bearer Mar Roxas.
Paliwanag ni Pulse Asia President Ronald Holmes na nasa 25 hanggang 30 porsyento pa kasi ng mga botante ang posibleng magbago ng isip o ang tinatawag na mga soft voters.
Sinabi ni Holmes na malaking porsyento ito na posibleng makapabago pa sa resulta ng halalan sa Lunes, Mayo 9.
Bahagi ng pahayag ni Pulse Asia President Ronald Holmes
By Ralph Obina | Karambola
