Iginigiit ni Independent Commission for Infrastructure Commissioner Rogelio Singson na hindi bababa sa isanlibo at dalawandaang indibidwal ang maaaring maharap sa mga kasong kriminal kaugnay ng maanomalyang flood control projects.
Ayon kay Commissioner Singson, humigit-kumulang labinglimang indibidwal ang makakasuhan sa bawat maanomalyang proyekto na kasalukuyang nasa walumpu.
Dagdag pa ng commissioner, inaasahan nila ang karagdagang mga dokumentong nakalap ng mga pulisya at militar na ipinadala para maghanap ng impormasyon hinggil sa mga maanomalyang proyekto ng mga top contractors na isiniwalat ni Pangulong Ferdinand Marcos Jr.
—Sa panulat ni Mark Terrence Molave
