Nagpunta sa Iloilo City ang mga abogado ng Department of Social Welfare and Development para tulungan ang kanilang field personnel sa imbestigasyon hinggil sa mga reklamo ng pagkaltas ng ilang opisyal ng barangay sa ibinigay na pinansyal na tulong para sa mga biktima ng kalamidad.
Ayon kay DSWD Assistant Secretary at spokesperson Irene Dumlao, ipinag-utos na ni Secretary Rex Gatchalian na agad magsampa ng kaso sa mga opisyal kung kinakailangan.
Sa kasalukuyan, kinokolekta at inaayos na ng ahensya ang mga affidavit-complaints, bilang patunay ng kanilang matibay na commitment sa pagtugon sa mga ganitong uri ng reklamo.
Tiniyak din ni Asec. Dumlao na masasampahan ng kaso ang sinumang barangay official na mapatutunayang nangupit ng ayuda upang hindi na pamarisan ng iba.
—Sa panulat ni Mark Terrence Molave
—ulat mula kay Gilbert Perdez (Patrol 13)
