Bumagsak sa ika-labingsiyam na pwesto ang Pilipinas sa pinakahuling Climate Change Performance Index, na may 62.79 na puntos, mas mababa ng labindalawang pwesto kumpara sa nakaraang taon.
Gayunman, pinakamataas na ranking pa rin ito sa mga bansa sa Southeast Asia, kung saan sinundan ang Pilipinas ng Vietnam na nasa ika-dalawampu’t apat na pwesto, sa score na 60.65.
Ang CCPI ay nagpapakita kung gaano kaaktibo ang isang bansa sa paglaban sa climate change.
Kagaya ng nakalipas na taon, nananatili pa ring blangko ang top three spots ng CCPI dahil wala pa ring bansa na maituturing na malakas sa lahat ng kategorya upang maabot ang overall very high rating.
Nasa ika-apat na pwesto naman ang Denmark, na sinundan ng UK na nasa ikalimang pwesto.
Kabilang sa mga pamantayan ng CCPI sa pag-puntos ay ang greenhouse emission, renewable energy, energy used, at climate policy ng isang bansa.
—Sa panulat ni John Riz Calata
