Huling namataan si dating Ako Bicol Partylist Representative Zaldy Co sa Japan.
Ito ang ibinunyag ni Interior Secretary Remulla, kasunod ng pahayag ni Pangulong Ferdinand Marcos Jr. na iniisyuhan na ng warrant of arrest ang dating mambabatas at labing pitong iba pa na nasasangkot sa maanomalyang flood control projects.
Giit ni Sec. Remulla, hindi sila maiisahan ni Co dahil hangga’t mayro’n silang legal authority ay kukunin nila ito.
Ngayong mayro’n nang kaso sa korte laban kay Co, at red notice mula sa International Police, hihilingin na ng DILG sa Department of Foreign Affairs na makansela ang passport ng dating mambabatas.
—Sa panulat ni Mark Terrence Molave
