Gugulong na ngayong araw na ito ang ikatlong pagdinig ng senado hinggil sa $81 million money laundering scam.
Sinabi ni Senador Sergio Osmenia na kailangang isiwalat sa pagdinig ng negosyanteng si Kim Wong ang naging papel nito kung bakit naipasok sa RCBC ang nasabing halaga na ninakaw sa Bangladesh Central Bank.
Magugunitang si Wong ang itinuturong nag rekomenda sa apat na pangalan na sabay sabay pinagbukas ng dollar account sa RCBC Jupiter Branch sa Makati City kung saan pinasok ang $81 million.
Si Wong ay bigong makadalo sa unang dalawang pagdinig ng Senate Blue Ribbon Committee dahil nasa Singapore ito at nagpapagamot.
By: Judith Larino
