Halos 1,700 residente ng lalawigan ng Rizal ang nagsilikas dahil sa pagbahang dulot ng Habagat.
Ayon sa Rizal Provincial Disaster Risk Reduction and Management Office, pawang mga residente ng Taytay, San Mateo at Rodriguez ang mga apektado ng flashfloods.
Pinaka-marami ang naitala sa Rodriguez na aabot sa 1,400 katao na pansamantalang nanunuluyan sa anim na evacuation centers.
Mahigit 300 indibidwal naman ang nagsilikas sa Cainta at tumutuloy sa siyam na evacuation centers.
Kabilang sa mga nalubog ang Barangay San Isidro, Sto. Domingo,San Juan at Sto. Niño. —sa panulat ni Drew Nacino
