Nagpaabot ng pagbati si Ilocos Norte Rep. Sandro Marcos kay retired Professor Clarita Carlos na itinalaga bilang National Security Adviser.
Sa isang social media post, isinapubliko ni Sandro ang larawan kasama si Carlos at kanyang ama na si incoming president Bongbong Marcos Jr.
Sinabi rin nito na isang karangalan na makilala si Carlos at umaasa siya na magkakaroon sila ng mas maraming pag-uusap kaugnay sa mga polisiya at state of geopolitics.
Si Carlos ang kauna-unahang babaeng magsisilbing national security adviser at kilala rin bilang isang Political Analyst at retiradong Political Science Professor sa University of the Philippines-Diliman.