Dapat hayaan munang lumaban si 8-division world champion Manny Pacquiao.
Ito ang inihayag ni Atty. Romulo Macalintal kaugnay ng isyu sa Commission on Elections o COMELEC sa nakatakdang laban ni Pacquiao kay Timothy Bradley sa Abril 10.
Giit ni Macalintal, wala pa namang personalidad na nagsasampa ng petisyon na humihiling na pigilan ang laban ng Pambansang Kamao.
Paliwanag ng election lawyer, hindi rin “impleaded” o respondent si Pacquiao sa inihaing reklamo ni dating Akbayan Partylist Representative Walden Bello sa COMELEC.
“Papano nila malalaman na exposure yun eh wala pa ngang laban? So ang ibig kong sabihin, bago aila makapaghain ng kaso ay meron talagang nagyayari o nangyari na.” Pahayag ni Macalintal.
By Jelbert Perdez | Balitang Todong Lakas
