Pinatawan ng Estados Unidos ng karagdagang 12.5% na taripa ang mga export products ng Pilipinas.
Ito ang inanunsyo ng Office of the United States Trade Representative, matapos aprubahan ni US President Donald Trump ang nasabing hakbang sa mga bansa na anila’y hindi sapat ang mga hakbang upang mahadlangan ang pag-angkat ng mga produktong gawa sa pamamagitan ng forced labor.
Ayon sa USTR, hindi epektibong naipatutupad ng Pilipinas ang pagbabawal sa pagpasok ng mga produktong nagmula sa sapilitang paggawa.
Sinabi naman ni US Trade Representative Jamieson Greer na matagal nang ipinagbabawal ng United States ang pag-angkat ng mga produktong gawa sa forced labor at panahon na rin, aniya, na gawin ito ng iba pang mga ka-trade partner.
Inaasahan namang magkakaroon ito ng malaking epekto sa Pilipinas dahil ang Estados Unidos ang pinakamalaking market ng mga exported products ng bansa.—sa panulat ni Daniela De Guzman
