Inalis na ng EU o European Union ang ban sa local carriers ng Pilipinas para makalipad sa mga bansang sakop nito.
Ang pasya ng EU ay nangangahulugang pasado na sa International Safety Standards ang mga eroplano sa Pilipinas, matapos ang limang taon.
Sinabi ng Charge de Affairs ng EU na malaking tulong ang pag-alis ng ban sa dumadaming bilang ng European tourists na sumasakay sa iba’t ibang airlines .
Ikinatuwa naman ng CAAP o Civil Aviation Authority of the Philippines ang naturang pasya.
Ayon sa CAAP, maglalaan ng dagdag na pondo ang local carriers para mapalawak ang kanilang operasyon sa Europa.
By Judith Larino