Posibleng simulan na ng House Commitee on Justice sa Setyembre 4 ang pagdinig sa inihaing impeachment complaint laban sa pitong mahistrado ng Korte Suprema kabilang si Incoming Chief Justice Teresita Leonardo De Castro.
Ayon kay Mindoro Representative Doy Leachon, kaniyang inaasahang maisusumite na sa kanyang pinamumunuang Committee on Justice ang Impeachment Complaints laban sa pitong mahistrado sa pagbabalik ng sesyon bukas.
Dagdag ni Leachon, plano nilang pagsama-samahin ang pitong impeachment complaints laban sa pitong mahistrado dahil pareho naman aniya ang nature ng mga inihaing reklamo.
Tiniyak naman ni Leachon na magiging transparent at patas sila sa paghawak ng nasabing reklamo.
Ang impeachment complaint laban sa pitong mahistrado ng Korte Suprema ay may kaugnayan sa pagboto ng mga ito pabor sa quo warranto petition laban kay Dating Chief Justice Maria Lourdes Sereno.
—-