Nagbigay ng testimonya sina Quezon City 1st District Representative Juan Carlos “Arjo” Atayde at Caloocan Representative Dean Asistio, kasama ang kanilang mga abogado, sa Independent Commission for Infrastructure kaugnay ng imbestigasyon sa sinasabing iregularidad sa national budget insertions at mga flood control project.
Sa pagdinig, humiling ang Komisyon ng karagdagang dokumento mula sa dalawang mambabatas upang makatulong sa nagpapatuloy na imbestigasyon.
Binigyan si Rep. Atayde hanggang December 2, 2025 upang isumite ang hinihinging papeles, habang si Rep. Asistio ay may deadline na November 28, 2025.
Bago ang kanilang pagharap, kapwa humiling ng executive session ang dalawang kongresista.
Pinagbigyan ng ICI ang kahilingan matapos matukoy na may sapat itong batayan, alinsunod sa ICI Live Streaming Guidelines na inilathala sa Official Gazette noong November 22, 2025.
Tiniyak ng ICI na mananatili itong tapat sa pagsusulong ng karapatan ng publiko sa impormasyon, paggalang sa due process, pagsunod sa rule of law, at pagprotekta sa karapatan ng mga resource persons na humaharap sa Komisyon.
Nakatakda namang humarap sa ICI bukas sina Representatives Reynante Arrogancia at Leody “Odie” Tarriela.
Kapwa rin sila naghain ng kahilingan para sa isang executive session.
