Pinakawalan na ang documented representative ng Philippine Offshore Gaming Operator firm na Lucky South 99 na si Cassandra Ong mula sa Correctional Institution for Women.
Ito ang ibinunyag ni Senador Sherwin Gatchalian nang magtanong si Senador Risa Hontiveros ng update tungkol kay Ong sa isinasagawang plenary debates ng 2026 national budget.
Ikinagulat ni Senador Hontiveros ang balita, na siyang nag-imbestiga sa POGO scandal.
Ayon kay Sen. Gatchalian, ikinagulat niya rin ang nakuhang impormasyon mula kay Justice Officer-in-Charge Fredderick Vida na nagsabing pinapakawalan ang mga naka-detine sa institusyon dahil sa pag-transition ng Kongreso.
Dahil pinatawan lamang ng kaso si Ong ngayong nakalaya na siya, nananatili itong wala sa kamay ng mga otoridad.—Sa panulat ni Mark Terrence Molave
