Nakapagtala ang Pilipinas ng 1,083 na bagong kaso ng Covid-19 kahapon kaya’t sumampa na sa 4,034,658 ang total case load.
Batay sa inilabas na Case bulletin ng Department of Health, umabot sa 8,032 ang weekly confirmed Covid-19 cases mula November 21 hanggang 27.
Pumalo naman sa 18,507 ang aktibong kaso ng naturang sakit sa bansa habang umakyat sa 3,951,543 ang total recoveries.
Naitala naman ng DOH ang karagdagang 14 na nasawi sa Covid-19 kaya’t sumirit na sa 64,608 ang death toll.
Samantala, umabot na sa kabuuang 73,592,319 individuals ang fully vaccinated na laban sa Covid-19.
