Epektibo na ngayong araw ang panibagong rollback sa presyo ng produktong petrolyo.
Sa abiso ng mga kumpanya ng langis, P3.95 centavos ang bawas-presyo sa kada litro ng diesel, habang P2.65 centavos sa kada litro ng kerosene at P.85 centavos naman sa kada litro ng gasolina.
Kaninang alas 12:01 ng hatinggabi nang ilarga ng Caltex at Cleanfuel ang panibagong tapyas-presyo sa produktong petrolyo habang ala -6 ng umaga naman magpapatupad ng kaparehong price adjustments ang Shell, Seaoil, Petro Gazz, PTT Philippines, Phoenix Petroleum, Jetti Petroleum, at Unioil.
Ang bawas-presyo sa produktong petrolyo ay dahil sa pagbaba ng demand sa China bunsod ng muling pagsirit ng mga kaso ng Covid-19.
