Posibleng bumisita sa Kuwait si Pangulong Rodrigo Duterte sa ikatlong linggo ng Hunyo o pagkatapos ng paggunita ng Ramadan na nagsimula na kahapon.
Ayon kay Labor Secretary Silvestre Bello III, may kaugnayan ang pagtungo ni Pangulong Duterte sa nasabing bansa sa mga bagong developments sa kaso ng napatay na Overseas Filipino Worker o OFW na si Joanna Demafelis.
Pahayag ni Bello, tumanggi ang pamahalaan ng Lebanon at Syria sa hiling ng Kuwait na magsagawa pa ng pagdinig para sa mag-asawang amo ni Demafelis na suspek sa pagkakasawi nito.
Nahaharap ang mga suspek sa parusang kamatayan makaraang matagpuan ang mga labi ni Demafelis sa loob ng freezer sa kanilang apartment sa Kuwait.
—-