Inihayag ni Vigan, Ilocos Sur Mayor Jose Bonito Singson na walang nasugatang indibidwal sa kanilang lugar matapos ang naganap na magnitude 6.4 na lindol sa Abra noong gabi ng Oktubre 25.
Sa panayam ng DWIZ, sinabi ni Mayor Singson na patuloy pa ang kanilang damage assessment dahil sa mga naapektuhang gusali.
Nilinaw naman ng alkalde na hindi pa nasisimulan ang restoration ng mga simbahan sa lugar matapos ang malakas na lindol na tumama sa Northern Luzon noong July 2022.
Samantala, nanagawan ng tulong si Mayor Singson sa pamahalaan kaugnay sa kanilang sitwasyon sa naturang lugar.
‘Gusto ko sanang pakatingnan po, ay sana naman po pakinggan niyo kami DPWH, legal commission po, Malacanang eh medyo napapansin namin na ayun na lang Abra ang napapansin, hindi nila alam madaming nadamage dito sa Vigan sana po , ang pinadala lang baka mamaya pagbalik panay drawing pa din,alam mo naman kapag national,kapag nawala po yan ang aming industriyangt tourism’
Ang tinig ni Vigan Ilocos Sur Mayor Jose Bonito Singson, sa panayam ng DWIZ