Bahagya pang bumaba sa 21,215 ang active covid-19 cases sa bansa matapos makapagtala ng karagdagang 1,379 infections kahapon.
Kumpara ito sa 1,121 new cases at 21,325 active cases noong miyerkules.
Dahil dito, sumampa na sa 3,999,000 o halos 4 na milyon na ang total caseload kabilang ang 3,914,000 and recoveries.
Nakapagtala naman ng karagdagang 38 fatalities kaya’t bahagyang tumaas sa 63,921 ang death toll.
Samantala, nangunguna pa rin ang National Capital Region sa mga rehiyong may pinaka-maraming kaso sa nakalipas na dalawang linggo na 6,290; sinundan ng Calabarzon, 3,569 at Central Luzon, 2,130.