Dumagsa ang maraming mga negosyante sa unang araw ng pagre-renew ng business permit and licensing office (BPLO) sa Legazpi.
Ayon kay BPLO Head Siony Calleja, sa kabila ng processing schedule ng bawat mga barangay, marami paring business company ang kumuha at nagrenew ng kanilang business permit.
Iginiit ng opisyal na hindi na bago ang pagdagsa ng mga negosyante at mga contractors sa kanilang tanggapan dahil taun-taon ding ginagawa ang pagkuha sa mga permit.
Sinabi ni Calleja na sa pitumpung barangay sa kanilang lalawigan, posibleng tumagal pa ng dalawang buwan ang schedule kung saan, nasa dalawa hanggang tatlong barangay na ang kanilang pinoproseso sa loob ng dalawa hanggang tatlong araw.
Nilinaw naman ng ahensya na hindi kasama ang mga contractor sa ibinigay na schedule ng ahensya kaya maaari silang magtungo sa opisina araw-araw para sa pagkuha ng mga permit.
