Nagpatupad ng “Smile Policy” ang Albay lgus sa kanilang mga empleyado.
Batay sa Memorandum of Agreement o RA 7160 local Government Code na pirmado ng alkalde ng PIO Duran, Albay na si Alan Arandia, kailangang magkaroon ng mahusay at tamang pamumuno ang mga lgu alinsunod sa mandato ng Civil Service Commission (CSC).
Ayon sa CSC, dapat sundin ang RA 6713 o ang Code of Conduct and Ethical Standards for Public Officials and Employees na may layuning mapanatili ng mga empleyado ang pag-ngiti sa kanilang mga kliyente, at kasamahan sa trabaho.
Dahil dito, inatasan na ang Human Resource and management Office (HRMO) sa pagmomonitor sa mga empleyado kung sumusunod ang mga ito sa ipinatutupad na polisiya.
Ang sino mang lalabag sa naturang panukala ay posibleng maharap sa kaukulang parusa.
