Inilarga na ng Imus City government sa Cavite ang sarili nitong imbestigasyon sa pagkawala umano ng nasa 4,000 COVID-19 vaccine.
Una nang napag-alaman ng DOH-Calabarzon na may discrepancies sa vaccine vials ng Imus noong Agosto 19.
Ayon kay Imus City Mayor Emmanuel Maliksi, nais nilang malinawan kung saan napunta ang mga bakuna at maiwasang mabahiran ng anomalya ang vaccination rollout.
Bukod sa lokal na pamahalaan ng Imus, nagsasagawa rin ng hiwalay na imbestigasyon ang NBI sa mga bakunang idinonate umano sa mga kumpanya na handa namang magbayad para rito.—sa panulat ni Drew Nacino